Ramón Indalecio Cardozo

Mbo’ehára Ramón Indalecio Cardozo                                       

Heñói Villarrica, ary 1876-me. Karai Antonio Taboada ha kuñakarai Josefa Cardozo memby.

Hekove rehegua ikatu ñamombe’u iñehekombo’e ñepyrũ ojapo itávape ha bachillerato Colegio Nacional de la Capital-pe ha ohupyty upépe kuatia’atã Maestro Normal-ramo. Oñepyrũ ombo’e Tavaguasu Escuela Normal, ary 1896-me. Myakãhára ha Sãmbyhyhára peteĩha Escuela Normal Rural Villarrica-ramo, ary 1914 guive ha Pedagogía-pegua mbo’ehára ha ambue mbo’epygua, ha’e ombo’e oñemboheko hağua mbo’ehára peteĩchagua, oikuaáva okára ñeikotevẽ ha tekombo’e taperekokuaa. Omba’apo heta mbo’ehao oĩva Paraguaýpe ha avei “pedagogía taperekokuéra” Ministerio tekombo’e reheguápe, Dirección General de Escuelas guive.

Hembiapokuéra apytépe ojapo Tekombo’e Ñepyrũ Aponde’a Ñemoporã, ary 1924-pe, ha hese ae jaguereko heta aranduka Pedagogía rehegua: “Pedagogía de la Escuela Normal, Pestalozzi” ha “Educación Contemporánea, Nueva Orientación de la Educación Común”. “El Paraguayo”, oĩva mbohapy arandukápe, “Pedagogía de la Escuela Activa”, avei mbohapy arandukápe. Ary 1933-pe, ojapo jey Aponde’a Pyahu Escuelas Normales-pe ğuarã. Heta ary rire omba’apo tekombo’e ñemyasãime ğuarã ha oĩme hasy vove oñepyrũ oipykúi tape tembiasa jetypekápe. Omoherakuã: “El Guaira”; omombe’úva Villarrica reñói ha “Melgarejo”, Villarrica mopyendahára. Omano ary 1943-pe.

Ombohasa Guaranime Dra. Matilde Galeano de Aguiar